النهارده يا احلى واجمل اخوات واعضاء في الدنياااااا الماجيك جيبلكم حاجه يا رب تعجبكم فى اولى مواضيعى ف منتديات فرى ماكس
قصه شاب صعيدي بيحب بنت استايل تخيلو انتو بقى ايه الحوارات اللي ممكن تدور بينهم من غير كلام كتيررر تعالو مع كبير الدهاشنه نشوف الحوارات اللي دارت بينهم ههههه
اليوم الاول
اولا التعريف بالبطل :احمد ولد الحاج هريدى واحمد ده يا جماعه لسه جاى من الصعيد طازه)ممنوع الزعل لكل الصعايده(
نبتدى بالحلقة الاولى
احمد: لو سمحتي حضرتك...ممكن براية
نور: ههه
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد : بس انقلي كويس ..وياريت تنظمي الكراسة
(اثناء ما المحاضرة شغالة ونور شغالة كتابة واحمد هيموت عشان مش معاه قلم)
احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...بجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك
)نور عشان رقيقة سكتت ومش عرفت ترد على بجاحة احمد وانتهت المحاضره(
اثناء خروج الطلبة من المدرج...احمد حب يستظرف بس بطريقة غبية شوية
احمد وسط حشد من الطلبة بنات وولاد وكأنهم قطيع من المواشي هررررررررررررررررررر...وضحكته سمعت كل اللي ماشي
)نور بتحكي مع زميلتها من كلية تانية على احمد)
نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نورا :يا ستي سيبك
هالة: على رأيك
خلص اول يوم في الجامعة وقبل النهاية بدقايق
احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: هه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف
سابته ومشيت .....وقال
احمد: عليكي يا شيخة وعلى هالة وعلى الجامعة كلتها....وبرضه خطك زي الزفت
وهنا تخلص الحلقه الاولى
يلابقى قولولى ردكم عليها عشان ننزل الحلقه التانيه.
![(¯`•._.•[ShELaM@nTima & ShaBaB WeBanaT]•._.•´¯)](https://i.servimg.com/u/f67/14/67/30/04/mixolg11.jpg)
موضوع: قصه بنت استيل مع واد صعيدى بس جامده اخر حاجه عباره عن حلقات 
الثلاثاء ديسمبر 29, 2009 4:56 pm